仔仔满月去街街　杨爱瑾晒全身照劲Fit

寻日系艺人杨爱瑾（Miki）与永安太子爷郭永淳嘅结婚一周年纪念兼仔仔满月，Miki就喺ig上载一张与老公的结婚相示爱。话晒已经系一家三口，结婚周年又点可以冇仔仔份呢？所以Miki再上载一张全家福，呢张相都系Miki产后嘅全身相，网友都大赞佢冇乜点肥，穿上露膊装嘅Miki同老公一齐情深咁望住熟睡嘅仔仔，喺草地上留影真系好温馨。

卓林仍留院　吴绮莉贴猫相嗌难过

艺人吴绮莉早前涉刑事恐吓17岁女儿吴卓林，上月卓林自泰国返港后，传自残入院，至今仍然未出院，而吴绮莉定时到探望，母女关系有待好转。

不过女儿未出院返家，家中的猫猫因接近一个月冇见小主人而郁郁不欢，近日吴绮莉就在社交网甫文，指家中的爱猫一直坐喺囡囡房门前，似等主人返家﹕“看着您一天一天的瘦坐着等，妈妈的心和您一样难过。”社交网上，亦见吴绮莉贴了一张自己18岁时的照片，留言﹕“看回自己十八岁的照片，这个月我真的受痛了，看回这两天的自己，真的接受不了，她真的伤害到我，对着她原来我一点也不强，学习。”吴绮莉接受媒体访问，她坦言猫猫之前和女儿感情要好：“囡囡未返家，所以只猫唔开心，唔食嘢，瘦晒！”

周柏豪开到口恨生B　同老婆有晒计划

歌手周柏豪于红馆举行的《One Step Closer Pakho Live 2017》演唱会圆满结束，骚后受访时他直言不够喉：“Feel到自己仲有货，目标可以开多几场。但唔紧要，未来仲有好多日子，再装备好啲，再攞多啲嘢表演。（开Part 2？）未有咁嘅打算，睇下有冇期先，巡回就有，下个月开始，所以头先都静静鸡食咗件炸鸡，即刻喉咙痛。”

他表示没吃煎炸食物三个月，笑言之前肥，所以要戒口令线条更好看，每天都吃白烚鸡肉、白烚菜和少许白饭：“头先后台咬住炸鸡都流住眼泪，但开心嘅。”

提到嘉宾蔡卓妍笑言叫他去死，柏豪笑说：“大吉利是咩！其实佢好正，应承咗我先度期，每个嘉宾都系即刻应承。黄翠如都系，佢拍紧剧一定好攰，都二话不说话好，好感谢每一位。”至于老婆有否心痛？柏豪说：“唔单止佢，佢就梗系心痛啦，我妈都好心痛，佢哋最紧要见到我开心啫。”他认为开骚最重要安全、做到自己想做的事，以及观众开心，而今次都有达到。

至于老婆有否被他感动到喊？柏豪坦言不知道，他透露太太第一晚有入后台拿白烚鸡肉给他，之后两晚就在外面照顾朋友，不过他否认太太的位置隐蔽，只是一直喜欢低调和简单，柏豪自言估不到自己能跳舞而大家又受落,他指时间很紧拙，撑都要撑过去，后来已习惯痛楚。

提到前绯闻女友何超莲及连诗雅到场欣赏，他觉得绯闻就是绯闻，没有担心。问到是否想做舞王？他笑说：“咩都冇个冇，冇王管个冇，希望喺舞台多元化啲。”他称以前比较多企定定、乐器或摇滚，这次十周年就要做些事令自己记得这个骚，自己未跳过舞就想试，再融入功夫及后空翻等动作：“我自己都好锺意，一直好想趁自己仲可以做到后空翻嘅年纪，做一个自己锺意嘅骚，今次我觉得做到。”

说到大肚婆观众，柏豪坦言恨生B：“成日同人哋啲BB玩，个心都溶晒。有时开完骚，屋企啲BB send message话柏豪哥哥加油，我成个心溶哂。不过我觉得仲系冲刺紧，要睇时间，但我同太太都好锺意小朋友，未来系有计划，但依家未有时间。”他希望尽量享受二人世界，多点去旅行见识世界：“Honeymoon都未做。（带佢巡回当系？）都有得谂喎！内地都有芭堤雅！”他透露想今年度蜜月，但应该与家人一起，感觉比较开心。

咁重手呀！子华送金币畀苏永康囝囝傍身

歌手苏永康（William）昨日在社交网，大晒BB与好友黄子华的温馨片段，从片中看到作为契爷的子华情深与BB对望，就像自己亲生仔一样。爱心爆棚的子华说：“见到啲BB要好忍住啜埋去。”子华又不停嘟嘴想亲吻BB，看到一个月大的BB非常得意，子华更想伸手摸BB面珠，场面搞笑！

此外子华还送了一套婴儿服装和一枚金币给BB傍身。苏永康在标题表示子华出手重，笑称连自己从未见过该枚金币，他们表示BB是个幸运的小孩，又希望BB长大后有好的人缘。估计二人在拍摄剧集《栋笃状王》而熟络。

狄波拉中环叹茶　叫宋祖德屎咪乱试

宋祖德日前大爆谢霆锋与王菲已分手，更扬言如有虚假会食狗屎，其后霆锋上载其饼店的宣传相片反击，力证与王菲感情稳定。而谢霆锋母亲狄波拉（拉姑），下午约五时，与好友陈淑芬于中环叹茶，离开时被问霆锋与王菲分手一事，她只说：“唔好乱问啦。”

提及宋祖德指如有虚假会食屎，拉姑闻言即哈哈大笑说：“唔好试啦，呢啲嘢，哈哈哈，不过我都未睇过。（系咪好想睇？）大家想点都好啦，今日假期，大家快乐啦。”

☞转载授权微信：lama129

☞ 商务QQ：1900556960

☞投稿邮箱：tghkchannel@163.com