老来得子！谢安琪爆苏永康劲冧超温柔

艺人苏永康夫妇和谢安琪（Kay）夫妇相识于微时属多年好友，而苏太及Kay更差不多时间怀孕及分娩，十分有缘！对于苏永康的BB仔率先出世，快将临盆的Kay接受媒体访问时表现得极开心，频频传来笑声，她说：「好开心呀！因为昨日佢嘅BB出咗世，其实之前我哋日头都有通过话，佢就一啲都唔紧张，继续系好有型同潇洒咁样嘅，哈哈！到BB出咗世啦，佢都send咗BB同太太嘅合照畀我，好温馨囉！我真系感受到一个从来未见过嘅苏永康，个样好冧冧猪呀！好难形容嗰种温柔，真系好戥佢开心！佢之前一路都同我有好多分享，大家交换嘅唔系好多心得嘅，而系交换吓感受！所以成个过程我都好似同佢有好多沟通，到BB出世，我都好感动、好开心囉！可能大肚婆又容易感动啲啦。」

见晒家长！JW否认同男友同居

歌手JW（王灏儿）将以香港代表身份出席3月24及25日于伊馆举行的音乐交流，JW出席彩排时坦言感荣幸，她说：「都考起自己，因为系同班朋友仔唱A cappella。（惊唔惊到时因压力而演出失准？）唔惊，后面成班人令我胆大。」

近年频频孖富二代圈外男友到马场的JW说：「我同马会有啲合作，好多时都出席佢哋嘅活动，有时佢啲朋友有马出赛，顺便支持吓。（半个身踏入豪门？）唔好咁讲，我都好勤力工作。」并大方透露已见双方家长，问到有否获未来奶奶赞是好新抱？JW说：「唔系咁，暂时大家都稳定。（同居？）唔系。」

亚洲电影大奖：36岁熊黛林认生仔有压力

36岁的艺人熊黛林（Lynn）现身「第十一届亚洲电影大奖」红地毡，入围「最佳女配角」的她穿上肉色薄身晚装谷胸上阵。对于盛传有喜，Lynn否认谓：「未有住，努力紧，系ready咗好耐，呢排睇紧中医。老爷奶奶都叫我唔好咁大压力，仲叫我哋去旅行，唔好成日谂住，愈谂愈冇。」又指每次到奶奶家吃饭除了有靓汤饮之余，还有花胶及鲍鱼。

问到身边朋友可有传授生仔秘方？Lynn谓：「好多朋友讲好多嘢，都叫我唔好有压力，放松啲。（姑奶郭可盈话家人冇畀压力你。）系呀，我自己畀自己，见到津津（郭可盈囡囡）咁乖，觉得如果有个女就好，望住津津都想快啲有个女。（你一定要生个仔？）最好有哥哥先，哥哥可以保护妹妹，我自己都有个哥哥，呢个系幸福事。」

Lynn表示暂不会放假造人，因不想常常留家，认为工作可给予自信及保持状态。问到其丈夫想生仔还是女？她谓：「老公锺意女仔，因为可以黐住佢，我建议生两个，但要生仔先，最后两个都笑，话唔到我话事，冇咩所谓。（旧爱郭富城都话想开枝散叶。）系好事嚟㗎。」

薛凯琪膝患影响跳舞：以前行路都痛

歌手薛凯琪（Fiona）接受电台访问，宣传4月6至9日假麦花臣场馆举行的演唱会。提到在演唱会海报中拿着书本《反璞归真》，她指当天的拍摄指引是郊游：「做少少，但玩多多，我带咗台湾买嘅私伙纸鸢去，又带咗嘢食去野餐，同一本买咗但未有机会睇嘅书。」她之前看同一作家写的《前世今生》觉得很好看，所以买了《反璞归真》，认为这本书的内容比较浪漫。

至于开骚时打算跳现代舞，Fiona坦言因为没有跳过：「以前跳舞系为咗气氛，为咗令大家同我一齐跳，但现代舞每一个动作都系一句对白、一个心情。有时你可以写信、写诗或者唱歌去解释你点样爱一个人，但都未必表达到个爱几大，我希望现代舞可以畀我表达一首歌入面嘅心情系点。」她表示整个流程也会有现代舞的元素，感到非常困难，而且曾有膝患：「依家跳耐咗都会有卡卡声同痠痛，但已经好过以前好多，以前行路都痛。」她透露找了治疗师啪骨以及进行能量治疗，现在跳舞已没问题，不过到时会以唱歌为主。

撇低嘉颖！陈凯琳嘟嘴冧揽大只仔

艺人陈凯琳（Grace）同郑嘉颖拍拖以嚟一直都非常恩爱，间中仲流传出婚讯，二人关系已经去到相当稳定嘅阶段，就算日前Grace喺《博爱欢乐传万家》活动上与郑嘉颖旧爱王馨平（Linda）同场，Grace都表现得十分大方，同对方打招呼之余仲讲「Good Show」，连Linda都大方赞Grace好nice、系好女仔。

不过，始终女人都系锺意斗气，唔知系咪想向男友示威，最近有份主持节目《搵食饭团》嘅Grace，就喺Instagram上载同另一主持温家伟（大只仔）嘅亲密合照，留言话：「Work CAN BE FUN! Food-buddies since '14! #搵食饭团 #chubbybunny」相中，Grace揽住大只仔，仲cute爆瞇眼嘟嘴，而大只仔亦都捉住Grace只手臂摆出一副古惑样。虽然系为节目宣传，但系唔知向来对女友严谨嘅郑嘉颖会唔会呷醋呢？

冯盈盈情挑黄宗泽：怕变喜剧效果

应届香港小姐冠军冯盈盈在将军澳电视城为TVB 50周年台庆剧《溏心风暴3》拜神。剧中冯盈盈要情挑黄宗泽，她笑：「未拍，可能我拍出嚟系另一个效果，变咗喜剧效果，哈哈。」拍激情戏要放下港姐形象？冯盈盈笑说：「作为一个专业演员，唔单只系港姐形象，连自己都要放低，努力融入角色。」与黄宗泽拍挑逗戏可会尴尬？她说：「唔会，Bosco好似大哥哥咁，之前合作咗一场，佢好照顾大家。」

☞转载授权微信：lama129

☞ 商务QQ：1900556960

☞投稿邮箱：tghkchannel@163.com