成日以泪洗面　李亚男自爆曾现抑郁征兆

王祖蓝与李亚男结婚两年，恩爱到痹，经常形影皆双，但原来新婚初期，李亚男因不适应老公经常返内地工作，曾出现抑郁征兆经常以泪洗面，她谓：「当时嘅我成日喊，睇电视见到皇上、妃嫔好快乐，我就会边喊边问自己「我嘅皇上呢？」点解老公成日唔喺自己身边。」李亚男当时虽出现抑郁病征，但没有去求医，因她明白「最佳医生」是自己老公，李亚男谓：「我无去看医生，但就有同祖蓝讲，我唔系好掂喇！佢都即刻为咗我唔接啲太长时间离开香港嘅工作，又或者会同我一齐返内地做嘢。」

老公如此痛锡自己，李亚男当然也会做个好老婆，近年努力习厨，更曾为王祖蓝初恋情人下厨，问她当时个心有无半点介意？李亚男大方表示：「当然唔介意，佢只系觉得好搞笑，都咁多年啦。」

黄心颖认定得马明一个：闷有闷嘅好

艺人黄心颖到澳门出席德晋集团春茗并担任司仪，身穿低胸露背长裙的心颖心情大好，不时面露甜笑。问她打扮性感可有问准男友？她就指自己没有男友。再问她可有问准绯闻男友马国明？她笑说：「我着咩衫唔使问任何人，今日套衫系贴身啲。（真空？）有打底。」心颖表示为了这条裙半天没进食，但不敢整天不吃，因为要吃饱才能开工。

至于心颖与马国明的进展，她就投诉记者日日跟着，而且这几天也要开工，她谓：「今日都大压力，好多宾客，又拍住葛民辉，如果佢爆肚，我惊我不记得要讲乜。」心颖指马国明不知道她来澳门，觉得不用特别告诉他，对方看报道就会知道。

提到发展机会，心颖坦言：「要再了解。（机会大？）OK嘅。（得佢一个？）呢啲冇得分散投资，得佢一个。」问到对方有何优点？她冧爆说：「大家都知啦，孝顺、好仔，闷有闷嘅好，再睇耐啲。（有冇感觉？）点解咁问？OK嘅。」她表示胞姊黄心美没特别意见，很放心让她自己选择。而之前在马国明的生日以及情人节，心颖自言都没有送礼给他。

来忘掉错对　陈小春隔20年再做古惑仔

艺人陈小春到澳门出席德晋集团春茗，他透露网剧《反黑》本来拍至过年前，但现在要拍到2月26日，再过两日他就要拍电影《古惑仔》，他说：「上次已经系20年前，都系嗰班人做，今次个题材侠盗嘢，会去4个地方，日本、黑山，成班朋友，同埋曾志伟咁。」问到忙于工作会否少见儿子？他谓会用视像：「都挂住，佢依家识叫我。寻日放假之后第一日开工，佢嚟探班，好多人，佢摄埋一边，我同佢挥一挥手，佢就冲过嚟揽住我只脚，真系好冧，点辛苦都值。」

至于会否追女，小春坦言不知道，未有生女儿的感觉。提到张继聪预计自己对着女儿会变痴汉，小春说：「生女要醒啲，做猛汉，同埋个仔两个猛汉一齐保护个女，不过依家努力中，仔女都冇所谓，唔会重男轻女。」讲到小春早前被误传出轨，但太太对他非常信任，小春笑言入行多年已习惯：「够料咪做我啰！都开心嘅太太咁做，我辛苦都应该，娱乐嘢就系咁。」

有女王病　吴若希晒遗体捐赠卡吓窒网友

歌手吴若希正值怀孕期间，闲在家中不时透过社交网舒发情感。昨日佢就上载咗一张鲜花相片，仲发长文直言自己怀孕期间成日发脾气，已经演变到女王病，又呻怀孕中嘅妈妈真系好辛苦，佢话：「在这段怀孕期，有时候就是无缘无故想发脾气，明知道其实没什么事要生气，但就是想生气，然后吃碗饭或者吃碗面就会突然心情大好，然后又会乖乖抱着（着）被子上床睡觉～（已经幻想到将来的宝宝也会这样）没怀孕时已经知道自己是个辣妹子，现在完全发现自己已经从#公主病进化到#女王病～～庆幸的是身边那个还是依然会容忍你的坏脾气，你睡不着（着）他会陪你睡不着（着）、你饿他就陪你吃、你无理取闹他会抱紧你亲亲你⋯⋯（对，女生无理取闹时并不是要男生跟你说道理～～而是要你抱抱她亲亲她就够啦）所以，谢谢你爱我。」

咁呢个「你」相信系讲紧男朋友ALEX啦，吴若希仲hashtag「#女人#孕期爸爸很辛苦#孕期妈妈更辛苦#下世你想做男人定女人#写完篇野（嘢）又想发脾气#我好矛盾#应该系因为饿#对不起我系饿底」睇嚟吴若希真系好多嘢谂喎。点知，佢又上载咗一张「遗体捐赠卡」，仲留言「如果我死了...」。吓到唔少网民纷纷留言安慰，仲话真系大吉利是咩，叫佢唔好乱讲嘢。

苏永康勤力搵奶粉钱　为见老婆劲频扑

苏永康日前请得歌手柳妍熙担任其清远演唱会的嘉宾，个唱近两个钟，台下观众反应好好，全无冷场，他接受访问时表示：「反应好同拣啱歌有关，当晚有两对情侣上咗台，两个男仔向女友求婚，结果两个都得手，成功抱得美人归，不过求完婚后，叫佢哋落台温馨一阵先再出场，因为rundown排咗我要唱首国语歌叫《旧爱还是最美》，佢哋呢个时候实在唔啱听。」

苏永康完成清远演唱会已是半夜一点半，但为做好老公见大肚妻一面，他不怕辛苦照赶返香港的家，休息几个钟又要于早上十一点赶飞机到芝加哥继续登台搵奶粉钱。问到苏永康睡眠不足可感辛苦？果然父爱真伟大，他说：「唔怕，好在一上到飞机，我立即瞓得着，一路瞓到去芝加哥，到达当晚就演出，因为飞机瞓得太好，所以冇时差，美国华人一直咁多年都喜欢听电视剧《壹号皇庭》所有插曲，拣歌唔难，全场爆满，大家一齐大合唱，气氛好好。」

问到在芝加哥举行演唱会可有难忘事？苏永康说最感动是不少当地歌迷为支持他，不惜坐三至四小时车到场馆看骚，而最意外是完骚的翌日早上，酒店的接待处致电他房间，问他有位中国籍女子致电给他可会接听，初时他还以为是女化妆师叫醒他及相约食早餐便照接，一听下才知原来是女歌迷，他说：「嗰个女仔系睇完演唱会，就试吓打去酒店度博我听唔听，既然我都听咗，咪同佢倾几句，原来个女仔话喺2008年睇完我喺九展开骚后，就嚟芝加哥读大学，主修药剂师，依家已经完成博士课程，仲喺一间大药厂做嘢，暂时唔打算返香港，佢就系揸咗三个小时车嚟睇我嘅其中一个歌迷，佢话感谢我由佢到咗美国后，我嘅音乐一路陪住佢，我就同佢讲，一个歌手如果喺歌迷生命占有咁大块天空，其实系我嘅光荣，之后我哋互相叫加油就收线，佢有教养唔长气。」

☞转载授权微信：lama129

☞ 商务QQ：1900556960

☞投稿邮箱：tghkchannel@163.com