神似黄子华的他，曾是「无线指定奸仔」，离巢二十年如今回无线教陈凯琳蔡思贝演技？
何浩源，一个名字陌生，但个样唔陌生的艺人。如果你是在8、90年代电视迷的话，对做过唔少奸角的何浩源，应该有印象。
出生于澳门的何浩源，自细就中意做戏，当年佢读紧中四，就跑去片场拍戏，第一个角色系饰演一只老鬼。
中学毕业后，何浩源就收到演艺学院的录取信，同届仲有詹瑞文、陈锦鸿，麦兆辉等人。在演艺学院就读期间，何浩源是一个出色的学生，未毕业已获电影公司睇中，参演电影《着牛仔裤的钟馗》。
睇番其当年模样，真系有几分似黄子华。
「其实我瘦嗰阵时，系啦，嗰阵时瘦嗰阵，唔知点解话我似黄子华。有一次我在碰巧见到黄子华，我同佢讲：『喂，啲人话我似你喎！』跟住佢话：『唉，咁就真系sorry（拧拧头），唔好意思呀，唔系似刘德华添！』佢真系好搞笑。」咁自己觉得似唔似？「某啲啲啦，瘦嗰阵时囉，一个演员最憎似人0架嘛！」
《抢钱夫妻》
1990年何浩源从演艺学院毕业后，顺利成为无线全职艺员，拍过不少剧集，包括《射鵰英雄传》(张智霖版，饰演哲别)、《殭尸福星》、《笑傲江湖》、《刑事侦缉档案2》。
《笑傲江湖》
《刑事侦缉档案2》
此外他又拍过电影《抢钱夫妻》、《追凶20年》、《超级整蛊霸王》等等。
《追凶20年》
其中同曾江合作的半小时单元剧《父与子》，何浩源仲系半个男主角，但大部份都系做奸角。何浩源曾经在访问中，坦言演艺人生当中，70%系演奸角，30%系做忠角。
佢曾经因为推掉冇兴趣的角色，被公司指唔够工作量，佢亦曾经在两年间疯狂接show，成为爆show演员。
大台零机会零发挥，何浩源最终选择离开，1996年离开大台后，他投身舞台剧，又做过传销又传过地产经纪，专卖九肚山嗰类豪宅。
还帮过大企业train员工，包括澳门新濠天地。服务行业+迎送生涯+日日面对千面八将，打赌场工，真系少啲演技都唔掂。何浩源分享谓：「佢哋开张之前，成间公司由经理呀、高层中层低层都有演技训练，二千几人，我哋成队导师团队一齐过去训练佢哋。因为佢哋系娱乐场嚟0架嘛，要俾到啲娱乐啲客。」
不过何浩源冇停止过舞台演出同创作，今时今日，何浩源依旧积极参与由演艺学院毕业生组成嘅剧团「演戏家族」，依家重返舞台，仲读埋戏剧系硕士。
离开无线，有说何浩源郁郁不得志。他爽快地说:「真嘅，真系郁郁不得志嘅！」他逐字吐出。「其实好得意嘅，嗰阵时我离开TVB，个势系好好嘅，」自信满满的双手抱胸：「其实呢，TVB嗰阵系俾好多机会我嘅，亦都好多谢王心慰监制，佢俾好多机会我，我做好多奸角都好出位，跟住我就谂，唔通成世喺TVB做奸角？我要突破呀！嗰啲咁嘅嘢囉，又唔系话一时冲动因为唔想黐须而走嘅，但嗰刻系真系觉得郁郁不得志囉。」一口气讲完，何浩源顿了顿：「原来郁郁不得志呢几个字系急口令嚟0架！郁郁不得志，OK？」
兜兜转转，人到中年，又发埋福嘅何浩源近年又同无线拉上关系，就系喺郑丹瑞牵线下，任教无线第27期艺训班，学生包括陈凯琳同「蔡Baby」蔡思贝。
两个学生的演技都被网民弹至体无完肤，作为导师的何浩源讲句公道话：「演技系要浸，佢哋个外型好好，嗰阵时上堂我做佢老师嗰时，我对佢哋印象好深刻，因为佢哋好投入好认真，亦都好放。我开头以为啲港姐，得个靓字之嘛！」被弹唔掂喎：「起码有个机会，俾你去做，俾你去试。演技嘅嘢，唔系一日可以搞掂0架嘛。」
演技嘅嘢，确不是一步可以登天，即使你才华横溢，都要浸。希望后辈们好好锻炼演技啦！
☞转载授权微信：lama129
☞ 商务QQ：1900556960
☞投稿邮箱：tghkchannel@163.com
推荐几款又污又好玩的小游戏给大家
无需下载
点击“HKChannel”菜单栏就能玩！
Mr.H每天也偷偷的在玩哦！
2017让我们一起闯关吧！
↓↓↓戳阅读原文无需下载，点击即玩更多好玩的游戏。
+61
+86
+886
+852
+853
+64
